‌

چه‌ند فه‌رمانبه‌رێكی سه‌ر به‌ده‌زگایه‌كی هه‌ڵگرتنه‌وه‌ی مین له‌ناوچه‌ی ئاكرێ گیاندارێكی خشۆكی نامۆیان دۆزییه‌وه‌.
ئه‌و گیانداره‌ كه‌بوونی تائێستا له‌عیراقدا تۆمارنه‌كراوه‌، له‌كاتی ئه‌نجامدانی رووپێوییه‌كی مه‌یدانی له‌ده‌شتێك له‌باشوری ناحیه‌ی بجێل- ی سه‌ر به‌قه‌زای ئاكرێ به‌مه‌به‌ستی پاككردنه‌وه‌ی له‌مین، دۆزراوه‌ته‌وه‌.
له‌و باره‌یه‌وه‌ د.عێزه‌ت یوسف سه‌رۆكی به‌شی زینده‌وه‌رزانی له‌كۆلیژی زانستی زانكۆی دهۆك به‌رادیۆی سه‌وای راگه‌یاند: قه‌باره‌ی ئه‌م گیانداره‌ نائاساییه‌و درێژییه‌كه‌ی ده‌گاته‌ 4 مه‌ترو درێژی سه‌ریشی نزیكه‌ی 50 سه‌نتیمه‌تره‌، گیانداره‌كه‌ نامۆیه‌ له‌عیراقداو  شتێكی ئاسانیش نیه‌ كه‌ناوی زانستی بۆ بدۆزرێته‌وه‌.
یوسف داواشیكرد كه‌گرنگی به‌مه‌سه‌له‌ی دۆزینه‌وه‌ی ئه‌م گیانداره‌ بدرێت و لێكۆڵینه‌وه‌ له‌سه‌ر چۆنیه‌تی بوونی ئه‌م گیانداره‌ له‌م ناوچه‌یه‌دا بكرێت.